Şehrîban Aslan

 

AMED - Komeleya Rosa ya Cinîyan hemverê şidetê serê cinîyan ê ke trafîk de rast yenê heme cinîyî dawetê ‘Konvoyê Morî’ kenê ke Duryana Dinya de do 1’ê Tebaxe de bêro organîzekerdene.

 

Têgêrayîşê Cinîyan ê Azadî (TJA) derheqê qirkerdişê kulturî, îstîsmarê domanan û qirkerdişê xoza de dabi zanayene ke înan seba 5 mengan programê çalakîyan amade kerdo. Çarçewaya çalakîyanê ke do bi slogana “Seba vurayîş û azadîye ti zî hurze payan ser” bêrê viraştene de Komeleya Cinîyan a Rosa zî dest bi çalakîyan kena. Endamanê komele ke na çarçiwa de lez da xebatanê xo do 1’ê Tebaxe de Peyasê Amedî de Duryana Dinya de hemverê şidetê serê cinîyan ê ke trafîk de rast yenê çalakîya ‘Konvoyê Morî’ virazo.

 

‘Ganî Cinîyê Amedijî Reaksîyon Bidê’

 

Endama Komeleya Rosa Neslîhan Çobane, ard ziwan ke înan hemverê qirkerdiş û çetinîya serê cinîyan kampanya daya destpêkerdene û wina vat: “Ganî heme cinîyê Amedijî hemverê çetinîya serê cinîyan de hurzê payan ser û reaksîyonê xo bîyarê ziwan. Yeno waştene ke cinîyî heme wareyan ra bêrê îzolekerdene. Ma zî vanê ke ma nê qebul nêkenê û hemverê îzolasyonî de ma konvoyê morî organîze kenê. Ma do 1’ê Tebaxe de saete 19.00 de Duryana Dinya ya Peyasî de paweyê heme cinîyan bê.”

 

'Ma do pêro wareyê cu de têkoşînê xo dewam bikerê'

 

Dima ra endama Komeleya Rosaye Serra Bucake zî dîyar kerde ke her ca de cinîyan rê teda yeno kerdene û wina va: "Ma bawer kenê ke ma do bieşkê pêro wareyan têkoşînê xo pîl bikerê. Wareyê trafîkî zî înan ra yo. Seba ke ma bale biancê serê cinîyanê peyayê û trafîk de yê ke erebokê domanan remnenê û cinîyê şoforî ma pêro 1ê Tebaxe de dawetê çalakiya xo kenê."

 

Heme şaşîyan wazenê bikerê pare cinîyê şoforan'

 

Arîn Zumrute ke a zî endamanê heman komeleye ra yewe bî no çî ard ziwan: “Ma hemverê zihnîyetê heme şaşîyanê ke yenê kerdene erzenê milê cinîyan ser veng danê ke heme cînîyî tewrê çalakîye bibê.”