Sara şêx hesen

 

HELEB - Hetê Kongreyê Star ra seba 23 mamosteyan perwerde ame destpêkerdene. Mamosteyê ke beşdarê perwerde bî dîyar kerdî ke seba vurnayîşê temamê komelî perwerde girîng o û vatî: "Seba vurnayîşê komelî perwerdebîyayîşê mamosteyan zî girîng o."

 

Seba mamosteyan taxa Şêx Meqsûdî ya bajarê Helebî hetê Kongreyê Star ra perwerdeyê bi nameyê Şehîd Viyan Amara ame destpêkerdene. 23 mamoste beşdarê perwerde benê û perwerde do 20 rojan dewam bikero. Mamosteyê ke beşdarê perwerde bî ewnîyayîşê xo bi ajsansê ma dir qalî kerdî û vatî: "Perwerde bîngeyê awankerdene şexs û komelêke rast o. Rolê mamosteyan mîyanê komelî de rolêke sereyîn o."

 

'Bi perwerde bingeyêke yeno awankerdene'

 

Mamosteya bi nameyê Zîlan Al Fecir serê girîngiyê perwerdeyî de vindertî û wina va: "Ma mamosteyê Helebî nê betlaneyê hamnanî de perwerdeyêke pêroyî bivînê. Ma do xo hetê birdozî de û hetê branş de xo perwerde bikerê. Perwerde seba vurnayîşê komelî zaf girîng o. Kesê tewr zêde komelî de perwerdekerdene mamoste yê. Seba ke ê neslê newe awan bikerê û seba şexsê rasteqîn perwerdeyê bingeyîn awabikerê."

 

Perwerdekerdene komelê erjê mamosteyan o

 

Mamosteya bi nameyê Mîdiye Ehmede zî serê rol û mîsyonê mamosteyan ê serê komelî şîrove kerde û da zanayîş ke û wina va: "Ez perwerde zaf hes kena. Ma bi perwerde xeylê çîyan musenê. Sere de cinî xo nas kenê û komelê xo nas kenê. Ganî mamosteyî baş bêrê perwerdekerdene seba ke perwerdekerdişê komelî keweno serê milê mamosteyan."

 

'Ma serê bingeyêke xo aver benê'

 

Mamoste Ferzet Eyşane qiseykerdişê xo de bale ante serê kêyfweşîya xo ya seba perwerde û wina va: "Ma mîyanê perwerde de zaf kêfweş ê. Merdim bi rihetî cu hîs keno û nas keno. Ma pîya kom benê serê bingeyêke xo aver benê. Ma benê hetkarê yewbînan rê."