ÎZMÎR - Cinîyê Mêrdînîjî ke Kadîfekale de cuyenê, tezgahê înan dewrê Weqfê Yusuf Baba ame kerdene, wazenê cinîyan bikerê binê deynan û tezgahê ke Kadîfekaleyî bîyê sembol meydan ra wedarnê. 

 

Qezaya Kadîfekale ya Îzmîrî de tezgahê kilîman yê 20 serrî binê xetereyî de yê. Komeleya Ciwîyayene û Weşikkerdişê Kadîfekaleyî, bi piştdayîşê Şaredarîya Bajarê Gird ya Îzmîrî û Odaya Bazirganîyê Îzmîrî rê cayê rotiş û hacetê Herême ame awankerdene û hetê Mudirîyê Herême ya Weqfê Îzmîrî ra 31ê Çele 2019an de dimayê cigêrayîşê ame kerdene de 1ê sibata 2019an de dewrê ‘Weqfê Yusuf Baba’ ame kerdene.

 

8 standê aşme ra 150 lîra bedelê dagirkerdişî yeno waştene û aşmêk verê zî cinî ameyî îqazkerdiş û deyn înan rê ame vetiş. Teblîgat de her tezgah 900 lîra deyn ame waştiş û ame vatiş ke eke nêrê dayene do tezgah bêrê tahlîyekerdene. Tezgahdar Zeynep Tabare va vera ke cinîyan xurt bikerê kîra yeno waştene û va amancê înan o yo ke nê tezgahê ke bîyê sîmgeyê Kadîfekaleyî wedarnê.

 

Zeynepa ke 7 serrî rotiş kena û va rewşa ra qet kêfweş nîyê û va: "Bi serran turîstê ke ameyne Kadîfekaleyî rastê hêrişan ameyne û dimayê ke dewlete mudaxaleyê hêrişan nêkerd, ma têkoşîn da û ma hizur ard Kadîfekale. Dewlete bi tu hawa tedbîr nêgêna. Toma estê la asayîş çin o. Nika zî TOMAyan danê ûca û vanê vejîyê. La ma tîya wayîr vejîyayî. Nika zî ma vejenê teber."

 

'Wazenê Mêrdînê qij çin bikerê'

 

Zeynebe tewr peyîn qiseykerdişê xo de da zanayîş ke wazenê Kadîfekaleyî de vurnayîşan bikerê, keyeyan rijnenê û vera ci awanîyê TOKÎyan vêraznenê û hewl danê Kadîfekaleyê ke sey Mêrdîno qij yeno zanayene çin bikerê.