MEXMÛR - Asayîşê PDKî bê ke sebebêke nîşan bido, bi rojan o Mexmûrijê ke seba lazimîyê xo bikerê şinê Hewler înan ageyrenenê. Roniştixê wargehî seba ke na rewşe şermezar bikerê dest bi rayşîyayîş kerdî.

 

Asayîşê PDKî bê ke sebebêke nîşan bido, bi rojan o roniştoxê Wargehê multecîyan Şehîd Rustem Cûdî (Mexmûrî) nêweşê giran zî mîyan de bi seyan karker û welatî her roj hetê hêzê PDKî ra yenê agernayîş. Eynî wextî de aqûbetê 2 ciwanê Mexmûrijan nîno zanayene.

 

Vera nê vindertişê ewro bi hezaran welatîyê Mexmûrî verê berê Şaredarîya Wargehî kombîyayîş û waştî ke ver bi Hewlêrî rayşîyayîş bikerê. Welatîyê Mexmûrî hema wargeh ra nêvejîyayê, hetê leşkerê artêşa Iraqî ra ameyî astengkerdene. Bi seyan leşkerê Iraqî rayîr vernîya Mexmûrijan girewtê û nêverdenê wargeh ra vejîyê û ver bi baregehê pêşmergeyan rê rayşîyayîş bikerê.