MERKEZÊ XEBERAN - Vilabîyayîşê cixareyê elektronîk ê xeylê xo mîyanê ciwanê ke cixara nêancenê de vila bîya. Rêxistinê Weşîye ya Dinya (WHO) derheqê xebitnayîşê cixareyê elektronîk de welatîyan îqaz kerd û dîyar kerd ke cixareyê elektronîkî zirar danê weşîye.

 

Vilabîyayîşê cixareyê elektronîkî ê ke xeylê xo mîyanê ciwanê ke cixare nêancenê de vila bîyê, bi demî dir rayîr verbê xebitnayîşê antişê cixara kenê. Goreyê nê zî seba kesê ke tûtin nêxebitnenê dest bi antişê cixareyê elektronîk kenê û dima ra zî dest bi antişê cixara kenê.

 

Konferansê kê bajarê Rîo de Janeîro ê Brezîlyayî de ame viraştene raporêke ame parekerdiş. Goreyê raporî cixareyê elektronîkî zirar danê weşîye. Rapor de ame vatene ke her çiqas dayeyê nîkotîn û xeylê madeyê bi zîyan cixareyê elektironîk de kêm bê zî la reyna seba weşîye xeter ê. Goreyê raporê ke ame eşkerakerdiş sîstemê cixareyê elektironîk bi serê xo zirar ê, ganî sîstemo newe seba rotişê nê tewir cixareyan verê çiman de bêro girewtene. 

 

Rapor de ame vatiş ke seba serdayîşê antişê cixara, xebitnayîşê ke cixareyê elektronîk feydeyîn ê. Welatê ke xeylê xo cixareyê elektronîk xebitnenê, bi pêroyî de tûtin xebitnenê. No zî ramojneno ke tu tesîrê cixareyê elektironîk nîyê.