Şêrîn Zêrevan-Rojda Seyidxan

 

QAMIŞLO - 27ê temuze serra 2016an de Qamislo de teqînayîşêke ame meydan 62 kesî cuya xo vindî kerd û 176 kes birîndar bî. Keyeyê ke merdimê xo teqnayîş de vindî kerdî eynî dejî cuyenê û zerrî veşnayî.

 

27ê temuze serra 2016an de saetê siba kamyonek bombebarkerdene zî hetê çeteyê DAÎŞî ra taxa Xerbîyê ya bajarê Qamişlo mintiqaya Cizîre de ame teqnayene. Netîceyê teqnayîş de 62 kesî cuya xo vindî kerdî û 176 kes zî birîndar bî. Xeylê xo domanî bî. Keyeyê ke teqnayîş de merdimê xo vindî kerdî heta roja ewro zî eynî dejê vindîkerdene cuyenê û zerrî veşênenê. Nika şarê herême seba pawitişê xo mîyanê hewldayîş de yê. Derheqê babete de keyeyê ke teqînayîş de merdimê xo vindî kerdî ajansê ma rê qisey kerdî.

 

'Merdimêke bisoz bi'

 

Mihmedo 29 serre ke teqînayîş de cuya xo vindî kerd, maya ey Bedriya Ezîze, serê roja qirkerdişî de qisey kerde û wina va: "Mihemed merdimêke bisoz, dirûst û embazo tewr baş bi. Derdê ey ke senîn mi û pîyê xo razî bikero û kêfweş bikero. Roja teqnayîş de Mihemed siba rew hewn ra aya bi, mi rê qehwe viraşt û ma pîya qehwe şimit. Roj de meymanî estbî Mihemed bi destê xo ma rê arayî amade kerd û ma pîya arayî kerd. Wexto ke waşt şêro serê kar, verê berê keyeyî de reyke ro mi ageyra û va ‘Dayê ewro ma rê mergê virazne’ mi zî ey ra va belê lajê mi. Wexto ke motore xo espar bi û şi karê xo, dimayê ci bi des deqeyan teqnayîş virazya. Ez û birayê ey şî dikan ma dî ke Mihemed şehîd bî yo."

 

'Serê herra xo de şehîd bi'

 

Şêrîn Mûsa kêna Etî Ehmed Mûsa yo ke bi emrê 70 serre de cuya xo vindî kerdib zî wina qisey kerde: "Pîyê mi kesêke qenc bi ameyne naskerdene. Seba nê heskerdişê mi ey rê zaf cîya bi, seba ke ez kêna tewr qij bîya xeylê mi ra hes kerdêne û mi zî ci ra hes kerdêne. Pîyê mi sey embazan bi. Ez çiqas serê ey de qisey bikerî ez nêeşkena bi vatişan ey bîyarî ziwan. Ez heta roja ewro zî nêeşkena bawer bikerî ke pîyê mi ameyo kiştiş. La reyna zî sereberz a ke pîyê mi serê herra xo û welatê xo şehîd bi."