MEXMÛR - Akademîya Şehîd Jiyan ê Wargehê Mexmûrî dewreya perwerdeyî dayî destpêkerdene û 34 cinî beşdarê perwerde bî. Cinîyê ke beşdarê dewreyî bî serê problemanê xo de vindertî û plansazîyê ameyoxî vetî. 

 

Serra 2003an de Wargehê Penaberan ê Şehîd Rûstem Cûdî ( Mexmur), Akademîya bi nameyê Şehîd Jiyan amebî awankerdene û heta nika akademî de xeylê dewreyê perwerdî seba cinîyan ameyî kerdene. Tewr peyîn bi beşdarbîyayîşê 34 cinîyan dewreyêke bîn ame viraştene, dewre de serê xebatan de munaqeşe ameyî kerdene û plansazîyê xebatan ê ameyoxî ameyî kerdene. 

 

Mamosteya Akademîya Şehîd Jiyan Bêrîvan Kare, qiseykerdişê xo de bale ante serê dewreyê peyîn de û wina va: "Bi çend rojî yo ma dewreyêke perwerde da destpêkerdene. 34 cinî beşdarê perwerde bîn. Cinîyê ke beşdarê perwerde bî serê xebatê xo de vindertî. Kêmasiyê xo qalî kerdî. Tewr peyîn ma serê plansazkerdişê ameyoxî de vindertî. Beşdarbîyayîşê cinîyan ê munaqeşeyî seba ma girîng bî."

 

Şîlan Alturke bale ante serê perwerde û da zanayîş ke perwerde bê nê rengî tesîr keno wina va: "Abîyayîşê dewreyê perwerdî zaf baş bi. Ez bi xo nê perwerde ra zaf tesîr bîya. Seba ke cinîyê ke beşdarê perwerde bî bi rehetî ewnîyayîşê xo ardî ziwan. Ez umîd kena pêro cinî cayê xo mîyanê perwerde de bigîrê. Seba ke yê tewr zêde bi zor zehmetîyan dir rî bi rî yenê cinî yê. Seba ma bieşkê serê linganê xo de vinderê û xo bipawê lazimo ma xo her het ra aver berê."