ÎZMÎR - Verfeka EGEÇEPî Alîme Yilmaze dîyar kerde ke projeyê awbendê Ilisu yeno manaya ke wareyê tewr taybet çin bikerê û seba Heskîf nêbo sey bajarê antîk yê Alîanoî, hema zaf erey nîyo.

 

Koma Hewldayîşê Allîonî û eynî wextî de Verfeka Platformê Derûdorî ya Egeyî (EGEÇEP) Alîme Yalçine, bale ante serê Heskîfî û da zanayîş ke seba Heskîf zî sey bajarê antîk yê Allîonî binê awe de nêmano ê wazenê Ege ra veng bidê Heskîf.

 

'Seba pawitiş çi lazim bo ma do bikerî'

 

Bajarê Antîk yê Allîanoî qezaya Bergama ya Îzmîrî bi, pêwa ke qerarê ci pawitişî estbi, 2011an de binê Awbendê Yortanli de mend. Alîmeye arde ziwan ke ê seba Heskîfî zî bi endîşeyînê û vera nê xetereyê ke Heskîf ci dir ameyo rî bi rî, vengdayîşê Egeyî xeylê manayîn o û wina va: "Seba ke uca de zî dewlemendîyêke xeylê pîl ê tarîxî ke hema nêvejîyayo meydan esto. Nê Mîrasî aîdê merdimayî yê. Seba bêro pawetene çi destê ma ra bêro ma do bikerê. Têkoşîn qetî nêvindeno. Umîd kena heta peynî no têkoşîn dewam bikero."

 

'Ege ra seba Heskîfî veng'

 

Alîmeye tewr peyîn qiseykerdişê xo de va ke xeylê wareyê cu vîyartoxê merdimê tîya û ameyox çin bibo û wina va: "Ganî tena merdim sey merkezê merdimayî nêewnîyenê. Xeylê nebat, ganeyî, heywanî tîya estê. Çinkerdişê înan wareyê taybet rewşêke bêro qebulkerdene nîyo. Vera nê ma sey EGEÇEPî vera nê caardişanê vera Heskîfî do vengê xo berz bikerê.”