Berîtan Canozer

 

AMED - Parlamentera HDPyî ya Amedî Semra Guzel, munaqeşeyê konferansê mintiqaya Amedî virazya şîrove kerde û şîyayîşê meclîsî yê betlanî zî rexne kerd. Semraye va: "Nika hem Tirkîya, hem Başur hem zî Rojawan de prosesêke şer esto. Krîzê sîyasî esto, krîzê ekonomî esto. Wexto ke hende problemê sîyasî bibê, seba çi betlane yeno kerdene?"

 

Partiya Demokratîk ê Şaran (HDP) bi sloganê ‘Ma bi siyasetê demokratîk faşîzmî bidê vindîkerdiş. Tirkîya demokratîk bikerê’, mabêne 14 û15ê temuze de Konferansê Herêmî ya Amedî kerdî. Konferans de sîyasetê zereyî û teber û xetimnayîşê sîyasetî ameyî munaqeşekerdiş. Parlamentera HDPyî ya Amedî Semra Guzele prosesê û munaqeşeyê konferansî şîrove kerd.

 

'Serê xeylê babetan de munaqeşe ameyî kerdene'

 

Semraye qiseykerdişê xo de wina qalî kerde: "Beşêke problemê ke ameyê cuyayîş kêmîyê ma ameyî şîrovekerdene. Beşêke zî babete welatî ser ame qalîkerdene. Prosesêke ma cuyenê prosesêke pêrodayîşî yo, seba sazkerdişê faşîzmî zî no problem ameyo cuyayîş. Ma serê na babete de vindertî. Xeta rayîrê 3in ê HDPyî de rayîr û metodêke senîn bêro ronayene ame şîrovekerdene."

 

'Lazimîyê bi akademîyê perwerdeyî estê'

 

Semraye da zanayîş ke komelêke kapîtalîst de cuyenê, tesîrê serê cuya komelê zî keno û wina va: "Ma konferans de hetê cinîyan zî munaqeşe kerd. Ganî rêxistinbyayîşî bêrê xurtkerdiş û bi şarî dir bêrê têhet. Ganî ma herême verbi rêxistinbîyayîşêke merkezî ra bibê. Ganî na rewşe de rêxistinbîyayîşêke tewr zaf eşkeno vejîyo meydan. Babeta perwerdeyî de problem estê. No konferans de zî vejîya meydan. Lazimî bi akademiyê perwerdê estê."

 

'Ma nêşênê betlane'

 

Semraye wina va: "Welat de hende problem yenê cuyenê, la meclîs şî betlane. Lazimîyê ma bi betlane çin o. Hende problemê sîyasî bibê, betlane seba çi yeno kerdene? Nika hem Başur, hem Rojawan prosesê şer esto, krîzê sîyasî û ekonomî esto. Şîyayîşê betlane zî nê xetimnayîşî pîl bikero. Ma sey HDPyî nêşênê betlane. Ma do 3 mengî bi xebatê rêxistinbîyaye dir derbaz bikerê."