Tolîn Muhemed

 

ŞEHBA - Cinîyê Ereb qalê îşxalkerdişî û kerdişê vera cinîyan kerdî û vatî: "Ganî dagirkerî derheqê kerdişê vera cinîyan de hesab bidê. Kesê ke dinya de heqê cinîyan pawenê, vera kerdişê cinîyan bêveng ê."

 

Dimayê hêrişê dewleta tirkan û komê girêdayê ci serê mintiqaya Efrîn, Bab, Cerebilas û Ezazê, êdî nê herêman talankerdene, destdergkerdiş, remnayîşê kesan, îşkence û qetilkerdişê kesan ame destpêkerdene. Derheqê babete de cinîyê ereb yê Kantonê Şehbayî şîroveyê xo ma dir pare kerdî û kerdişê îşxalan serê cinîyan de bi şîdet şermezar kerdî. 

 

'Kesê ke heqê cinîyan pawenê bêveng ê'

 

Verfeka Yewîye Cinîyan Azad ê Şehbayî Rîhab Cebo, qiseykerdişê xo de bale ante serê kerdene komê çeteyan û wina va: "Wextê herêma Şehbayî de hetê komê çete ra ame îşxalkerdene her dem cinî bi şîdet û kerdişê vera merdimayî dir rî bi rî mend. Nika zî herêmê Ezaz, Bab, Cereblus, cinî bi şîdet komê çeteyan dir rî bi rî manenê. Dimayê îşxalkerdişê Efrînî no hîna zêde vejîya meydan. Kesê ke dinya de heqê cinîyan pawenê nika bêveng manenê."

 

'Bi nameyê îslamî kerdişê lêşin kenê'

 

Endama Keyeyê Cinîyan Henen El Nasêr, qalê zîhniyetê îqtîdaran kerd û wina va: "Zîhniyetê îqtîdar seba berjewendiyê xo sey hacet xebitneno. Herêmê îşxalkerdene her wext wina keno. Binê nameyê Îslamiyetî de heme kerdişê lêşin vera cinîyan xebitnenê. Piştdayîş danê cinîyê mexdûr, bibê vengê înan û seba vengê cinîyan biresnê dinya bixebityê."

 

'Ganî Tirkîya hesab bida'

 

Îdarekarê Keyeyê Cinîyan ê Şehbayî Emel Ismeyîl, da zanayîş ke qetilkerdişê cinîyan herêmê ke ameyê işxalkerdene zaf zêde yê û wina va: "Herêmê ke hetê tirkan ra ameyê işxalkerdene bi taybetî cinî ameyê hedef girewtî. No zî beno sebeb ke cinî her roj bi şîdet dir bicuyê. Ma vanê ganî Dewleta Tirkan derheqê kerdişan de vera cinîyan de hesab bidê. Ma veng da cinîyan ke vera kerdişan sere wedarnê û bindestî qebûl nêkerê"