DÊRSIM - Festîvala Kultur û Xoza ya Dêrsimî siba dest pêkeno. Komîteyê Amedekar, seba festîvala ke dîyarî Nupelda û Ayazo ke pilûrî de cuya xo vindî kerdî ame kerdene vengdayîşê beşdarbîyayîşê şarî kerdî.

 

Festîvala Xoza û Kulturê Mûnzûrî ke 19 serrî yo yena viraştene, do siba bi sloganê, "Ziwan, bawerî û kulturê Dersîmî wayîr vejîyê, bicuyê û bidê cuyayîş" dest pêbikero. Festîvalê kultur û xoza do 4 rojan dewam bikero. Amadekariyê festîvale peynî bî. Komîteyê Amadekar ê Festîvale ke seba festîvale muracatê Walîyê Dersimî kerdî, heta nika walîyê tu cewab nêda komîte. Endamê Komîteyê Amedekar ê Festîvale ke seba destûrî walî dayî dîyar kerd ke bi vatiş dîyar kerdê ke destûr danê, la hema zî bi hawayêke fermî ti cewab înan rê nêameyo dayene.

 

Festîvale do siba saete 12.30an de wareyê Seyît Riza bi îzahatê ke bêro dayene bêro destpêkerdene û stadyûmo ke do çalakiyê festîval bêra kerdene ame destpêkerdene. Eynî wextî de seba kesê ke do bêrê Dêrsim beşdarê festîvale bibê zî yurdê wendekaran do bêrê akerdene.