Medîne Mamedoglu

 

MÊRDÎN - Cinîyê Mêrdînî derheqê kiştişê cinîyan û hêrişê zayendî yê wextê peyîn de zêde bîyê de qisey kerdî. Cinîyan dîyar kerd ke vera qirkerdiş, hêrişê zayendî û polîtîkayê bêcezaverdayîşî bi rêxistinbîyayîşêke hêz eşkeno mudaxele bêrokerdene.

 

Hêrişê zayendî û qetilkerdişê cinîyan her roje yewa bîn yena zêdekerdene. Bajarê Mêrdînî ke nê rojê peyînan de bi hedîseyê nê rengî rojeve de yo tewr peyîn cinîyêke hetê camêrdêke ra amî qetilkerdene. Cinîyê Mêrdînî reaksîyon vera hedîseyê nê rengî dayî, dîyar kerdî ke ganî na hedîse bi hawayêke şîdet bêrê rexnekerdene û şermezarkerdene. 

 

'Ma eşkenê tewr bi lezgîn mudaxele bikerê'

 

Hava Balciya Mêrdînije, dîyar kerde ke ganî projeyê derheqê cinîyan de bêrê kerdene. Hetê  perwerde, xizmetê weşîye de zî rayîr cinîyan rê bêro akerdene. Hava wina va: "Vera qirkerdişê cinîyan û hêrişê zayendî ganî xebatê cinîyan aver berê bêrê kerdene. Cinî cu ya. Gerek sere de cu rê piştdayîş bêro dayene. Vanê 'wa cinî game xo nêerzê kuçe.' Wexto ke cinîyan dir têkilî bêrê xurtkerdene hende eşkenê rew mudaxele hedîseyê şîdet bêrê kerdene. Coka zî bi rêxistinêke xurt eşkenê têkiliyê mabêne cinîyan de bêrê xurtkerdene. Ganî pêroyê welat de torrêke bi hêz bêro awankerdene."

 

'Ganî ma cinî beşdarê cu bikerê'

 

Rênas Abruşu zî wina va: "Sere de ganî zîhniyetê bîyaye ê camêrdan ke serdestî kenê bêro çinkerdene. Zewaco emr qij de û pêro babetan de tesîrê ke negatîf serê cuya cinîyan de yenê kerdene ganî perwerde cinîyan rê bêro dayene. Atolyeyê cinîyan û Atolyeyê Jineolojiyî ganî bêrê zêdekerdene. Ma vanê cinî cu ya, la hetê perwerde û îstihdamî de cinîyan rê ca nîno dayene. Ganî cinîyan rê tewr zêde ca bêro dayene. Ganî ma cinî beşdarê cu bikerê."

 

'Komel travmayêke cidî cuyeno'

 

Tewr peyîn cinîya bi nameyê Sultan Agirma qisey kerde û dîyar kerde ke seba na hedîse rêze ra nêrê vînayene ganî reaksîyonê şîdet bibê. Sultane wina dewam kerde: "Wextê peyîn de seba hedîseyê hêrişê zayendî ke virazênê sey pêro cinîyan ez zî bi ters cuyena. Verê zî hedîseyê bi nê rengî virazyayne bi rojeva peyîn de tewr yenê ziwan. Ez zî sey dayîkêke bi gûman cuyena. No zî seba travmayêke komelî yo. Nê travma tesîrê xo tewr zêde serê cinîyan û domanan keno. Coka ganî rayîr nê hedîsan ra bêro padayene. No zî seba ma travmayêke komelî yo."