MEXMÛR - Dimayê hêrişê vera dîplomatê Tirk, Mexmûr de xeylê ciwan ameyî tepiştiş. Aqûbetê 4 kesê ke hetê PDKyî ra ameyî tepiştiş nînê zanayene. Maya Hejar Demîr Feyrûz Demîre, rewşa weşîye lajê xo bi endîşeyîn a û va: "Nêzana PDK çi ma ra wazeno."

 

Rojê vîyarte de restorantê Hewlerî vera diplomatê Tirkan hêrîşêke ame kerdene û netîceyê ci de 3 kes cuya xo vindî kerd. Dimayê hedîse hêzê Partîya Demokrat ê Kurdistanî (PDK) eştî serê keyeyê ciwanê wargehê Mexmurî. Dimayê pêlê tepiştişî reyke 16 cinîyê ciwan û reyke bîn zî 5 kes ameyî tepiştiş. Dimayê demêke 16 ciwanê cinî serbest ameyî veradayîş û mîyanê 5 kesan de zî kesêke ame veradayîş.

 

Ame dîyar kerdene ke ciwanê ke wargehê multecîyê Mexmur de mendêne seba debara keyeyê xo Hewler de xebityenê. Eynî wextî de mîyanê cinîyan de cinîyê ke bi tirkî qisey kenê. Nika mîyanê 4 kesê ke ameyî tepiştiş cinîyêke ciwan zî estê. Nika aqubetê kesê ke ameyê tepiştiş nîno zanayene. Eynî wextî de mîyanê kesê ke ameyo tepiştiş de ciwanê bi nameyê Hejar Demîr zî esto, Hejar wexto ke nêwaşxaneyê hetê hêzê PDKî ra ame tepiştiş.

 

'Ma rewşa ey ra weşîye ra bi endîşeyîn ê'

 

Serê tepiştişê Hejar Demîrî dir maya ey Feyrûz Demîre ajansê ma dir qisey kerde û wina va: "PDK çîyê ke keno û ma sucdar keno. Hejarê mi seba nêweşxaneyê şibi Hewlerî. Wexto ke ageyrayîşê wargehî de hetê hêzê PDKî ra her çiqas amebi emelîyatkerdene yeno tepiştiş û benê asayîşê Hewlerî. Heta ewro nêverdenê ma bi lajê xo dir pêvînayîş bikerê û sebebê tepiştişê ey ma ra nêvanenê. Seba rewşa ey weşîye ma bi endîşeyîn ê."

 

Maya Hejar, Feyrûz Demîre derheqê kerdene asayîşê PDKî wina va: "Nêzana PDK çi ma ra wazeno. Bi çend rojî yo serê wargeha penaberan ê Mexmûrî de girewtê. Nêverdenê  karker şêrê ser kar. Cinîyê ciwan yê Hewlerî kar kenê, nêverdenê ma şêrê nêweşxaneyan. Bi serran o ma tîya cuyenê û rayîrê ma yê ameyîş û şîyayîş qedexe kerdê."