MÊRDÎN - Keşîşxaneyê Mor Evgîn Bagokî 2 serrî yo bendeyê restorasyonî yo. Her çiqas ke Mudirê Mûzeyî yê Mêrdînî qerarê projeyê restorasyonî  dabi zî heta ewro ti game nêameyê eştiş.

 

Qilê Koyê Bagokî yê qezaya Nîseybînê Mêrdînî de keşîşxaneyê Mor Evgînî 700 serrî bendeyê keşîfkerdişî yo. Dêreyê wextê Romayî de ameyo awankerdene û serra 1970yan de dimayê ke keşeyê ci cuya xo da keşîşxane ame padayîş. Serra 2011an de bi hewldayîşê keşeyî suryanî Raban Yakîm Unfalî reyke bîn îbadet rê ame akerdene.

 

Perwerdeyê dînî ame dayene

 

Hetê Mudirê Muzeyî yê Mêrdînî ra 2 serrî verê nika qerarê restorasyonî seba keşîşxane amebi dayene. Restorasyon ganê mîyanê 6 mengî de peynî bibayne, la heta nika gamêke pozîtîf nêameyo dayene. Heto bîn ra nîno zanayene ke do kam ci wextî restorasyon bi peynî bibo. Reyna zî nika keşîşxaneyê perwerdeyê dîn yeno dayene.

 

300 tesîsê awe ame akerdene

 

Keşîşxaneyê Mor Evgînî koyê Bagokî de yo û 25 km dûrî Nisêybînî yo. Keşîşxane dimayê zayîne serra 363an de ame awankerdene û heta roja ma yo ewro ameyo. Dimayê serran hûmara rahîban resa 350 kesî. Tîya 300 tesîsê awe ameyî awankerdene û rahîbê ke rayîrê Armûşî xebitnayene 300 tesîsê awe feyde girewtêne. Eynî wextî de rahîbê ke Keşîşxaneyê Mor Evgînî ra vejîyayî kom bi kom heta Hîndîstanî şî. Wendekarê Mor Evgînî heta nika dewe de 3 hezar û 333 kes vaftîz kerdê.