HATAY - Endama Însiyatîfê Şaran ê Defne Nurcan Ordeke reaksîyon ramojna Santralê Enerjiyê Biyokutle û projeyê merkezê depokerdişê eştişê yê serê Hewzaya Awe ya Asî waştî bêro awankerdene de û va na proje vera şarî û ekosîstem tehdîdêke cidî awan keno."

 

Hewzeya Awe ya Asî taxa harbiye qezaya Defne ya Hatayî û 25 hewzayê awe ya Tirkîyaye ya. Wareyê 3 hezar û 50 donîm erdê Hewzayî, seba wareyê depokerdene eşteyê ya A.Ş ya Berardişê Ceryanî yê Biyoenerjî TEMSî û Santrala Enerjiyê Biyokutleyî ame tehsîskerdene. Projeyê ke serrêke verê plan û tespîtê ci ame kerdene, tewr bi lezgîn bi. Endamê însiyatîfê şar û ekolojîstan dîyar kerdî ke do proje zirarêke pîl bidê xoza û waştî proje bêrê vindernayîş.

 

'Do bibo sebebê ziwanê çimeyê awe'

 

Însiyatîfê Şarî ra Defne Nurcan Ordeke, da zanayîş ke Santralê Enerjiyê Biyokutle feydeyê şarî ra dûrî yo û projeyêke bazirganî yo û wina va: "Proje seba cuya zindiyan tehdîdêke pîl o. Santralê Enerjîyê Biyokutle mîyanê çimeyê enerjî yeno newekerdene de ca gêno, la wareyê santral ca gêno û verê ke netîceyê ci bêro fikranayene û zirarê ci merdim keno mîyanê fikranayîş. Seba santral bêro xebitnayîş lazimî bi 75 ton berardiş esto. Berardişêke wina Hatayî zî çin o. Seba nê berardişê do Edene, Mersîn, Osmaniye û Dîlokî bêrê peydakerdiş. Na rewşe bi tena serê xo bi problemêke yo. Hatay de komkerdişê berardiş de problemêke cidî yo. Reyna yeno waştiş ke Santralê Enerjî Biyokutle serê hewzeya awe bêro awenkerdene. Na rewşe zî rayîr verê ziwabîyayîşê çimeyê awe akero."

 

Nurcane dewam de da zanayîş ke na proje vera şarî û ekosîstem de tehdîdêke cidî awan keno.