AMED - Startê çalakîyanê Parka Koşuyoluyî ke do aşmêk bi tewrbîyayîşê hezaran kesan bêrî viraştene ame dayene.

 

Şaredarîya Bajarê Girdî ya Amedî startê çalakîyanê xo yê ke do mabenê 20ê temmuz û 18 tebaxe de bêrî viraştene bi siloganê  ‘Cuye ya ma ya, Vatiş yê ma yo’ bi tewrbîyayîşê seyan hemwelatijan vizêr şewe daye. Çalakîya ke ame viraştene de Hemşaredarê Şaredarîya Bajarê Girdî ya Amedî Selçuk Mizrakli, rayîrberê HDP û DBPyî yê qeza û merkezê Amedî û hemşaredarê qezayan zî ca girewtî.

 

Destpêkerdişê çalakîye ra ver seba kesê ke Pirsusî de cuya xo vindî kerdî deqeyêk rêzgireştiş ame tepiştiş. Badê rêzgirewtişî siloganê ‘Ma do bi xoverdayîşan ser bikewî’ ame qîrayene. 

 

'Wextê qayûmî de festîval çin bî'

 

Çalakîye de Hemsereka Partîya Demokratîke ya Şaran (HDP) Hulya Alokmen Hulyaye qisey kerd û va: “Ameyîşê qayûmî heme organîzasyon û çalakîyî ameyî qedexekerdene. Lazimîya ma bi çalakîyanêwinasîyan esta.”

Şaredarîya Bajarê Girdî ya Amedî Selçuk Mizrakliyî zî ard ziwan ke şar înan ra persê ‘qey festîvalî nînê viraştene’ kenî û da zanayene ke ê waştişê şarî ardî ca.