Medîne Mamedoglu

 

MÊRDÎN - Dêrê Dermetîna yê 3 hezar serrî ke dewa Gumuşyuva Şemrexî de seba nîno restorekerdiş û pawitiş hetê dewijan ra sey axur yeno xebitnayîş.

 

Mêrdîno ke bi kultur û tarîxê xo bale turîstê herêmî û xerîban anceno, her cayê ci heybetêk esto. Qeza û dewê ci xeylê wareyê tarîxî estê û hema xeylê cayê ke nêameyê kifşkerdiş estê. Yew înan ra zî Dêrê Dermetîna yê dewa Gumuşyuva ya qezaya ya Şemrexî yo. Dêrê Dermetîna ke hûmare dewe 500, 32 kîlometreyî Şemrexî ra dûrî yo û yeno diyarkerdene wextê Împaratorîyê Roma ra mendo. Dêr serê wareyê 570 metrekareyî de û dergîyê ci 260 metre berz o û serê girê ke 150 metreyî berz o ameyo viraştene. Ame zanayîş ke heta nika derheqê dêrî de cigêrayîş nêameyo kerdene.

 

Dêr sey axur yeno xebitnayene

 

Pêwa ke dewijan bi desan rey seba restorasyonî muracat kerdê zî dêr nêameyo restorekerdiş û nika hetê dewijan ra sey axur yeno xebitnayene. Keleya ke dêr zî tede yo, kerra yê dêrî şikyayê û dês rijyayo.

 

'Bîyo sey efsûnêke'

 

Dewijan da zanayîş ke ê bi îmkanê xo nêeşkenê çîyêk bikerê û coka ganî selahîyetdarî eleqedar bibê û wina va: "Eke dewlete tîya bivirazno do turîst zî bêrê. Riha, Amed û Mêrdîn de no ca yeno zanayene. Derheqê Dêrê Dermetîna de xeylê hîkayeye, deyîrî estê. Ganî wayîrê tîya bêro vetene. Kela 3 hezar serrî yo heta ewro serê lingan de mendo. Eke bêro pawitiş do xeylê eleqe bivîno."