Sara Şêx Hesan

 

ŞEHBA - Domana bi nameyê Kemîliya Henana Efrînije û Şehba de bi ca bîya hîsê xo bi vatişê deyîre û xêzkerdişê resiman neql kena. Kemîlaye vana: "Ez bi rayîrê resiman û deyîran dejê ke ma Efrîn de dîyo ana ziwan û Efrîn bi xeyalê xo xêz kena."

 

Domana bi nameyê Kemîliya Henana 12 serrî, Qezaya Bilbilî ya Efrînî de netîceyê hêrişê dewleta tirk û komê girêdayê aye de Kampa Serdema Şehbayî de bi ca bî. Kemîliya ke bi rayîrê deyîre û resiman xoverdayîşê 58 rojan ana ziwan wina va: "Dimayê ke ma Efrîn ra vejîyayî ma qet umîdê xo ageyrayîşê Efrînî vindî nêkerd. Ez nika resimanê xo de ageyrayîşê seba Efrînî xêz kena. Deyîranê Efrînî vana."

 

'Ez dejê domanê Efrînî xêz kena'

 

Kemîliyaye wina va: "Ez xêzkerdişê resiman ra zaf hes kena. Bi rayîrê resiman xeylê çîyan ana ziwan. Ez dejê domanê Efrinijan xêz kena. Ez wazena hetê xêzkerdişê resiman de xo tewr zêde aver berî. Wexto ke deyîran vana zî xeylê kêfê mi yeno. Çimkî bi deyîran zî ez hîsê xo ana ziwan." 

 

'Ez nêwazena domanî bimrê'

 

Kemîliyaye tewr peyîn wina va: "Wexto ke ma Efrîn de bî û tayerayê tirkan hêriş kerdêne ma xeylê tersayne. Nika zî Efrîn de cu weş nîya. Ez nêwazena domanî bimrê. Wexto ke ma Efrîn ra vejîyayî ma sey domanan zaf xemgîn bî. La ma her wext bi umidê ageyrayîşê Efrînî cuyenê. Ma a bawerî de yê ke ma do ageyrê welatê xo û cuya xo uca de dewam bikerê. Do Efrîn Erdogan rê nêmano."