AMED - Rojê Fîlmê Cinîyan yê Gêrayoxan badê hewteyêk yê Amed û qezayanê ci de peynî bî serkêşîya Şaredarîya Bajarê Girdî ya Amedî, Akademîya Sînema ya Rojhelato Mîyanênî û Akademîya Sînema ya Mezopotamya Rojê Fîlman yê Cinîyan yê Gêrayoxî dest pêkerdbî, peynî bî.

 

Rojê Fîlmî yê ke 13ê temmuze de dest pê kerdbî, 19ê temmuze de peynî bî. Programê Rojê Fîlmê Cinîyan yê Gêrayoxan de her roje 2 qezayan de fîlmê ‘Sibel’ ke yonetmenê ci Çagla Zencîrcî û Guilloume Glovanettîbî, ‘Borç’ ke yonetmenê ci Vuslat Saraçoglu bî, ‘Heta boyê mi çikîya’ ke yonetmenê ci Emine Emel Balci bî, ‘Kevok’ ke yonetmenê ci Banu Sivacîye bî ra bigêr heta xeylê fîlmî pêşkeşê sînemaheskerdoxan ameyî kerdene.

 

Rojê Fîlman yê Cinîyan yê Gêrayoxî 13ê temmuze de qezaya Farqînî ya Amedî de dest pêkerdbî, qeayanê Gêl, Karaz, Erxenî, Çinar, Hezro û Rezanî de zî ameyî pêşkeşkerdene. Fîlm raştê eleqeyeko gird yê cinîyan ame.

Endamê Akademîya Sînemaya yê Rojhelato Mîyanenî Sîdar Aslanî fînalê rojê fîlmande qisey kerd û va: “Ma reaksîyonanê pozîtîfan girewt. Ma nêwaşt ke nê fîlman tena hepsê merkezê bajarî bikerî. Ma hewl da ke fîlman sînoranê salonan yê tengan ra bivejînî. Organîzasyonê ma yê winasî do dewam bikerî. Ma do demêko kilm de programê xo yê newe rayapêroyî rê eşkera bikerî.”