MERKEZÊ XEBERAN - Cazaya  30 serran a ke derheqê  Gulten Kişanake û Sebahat Tûncele de ameyebî dayene, hetê Mehkemaya Îstînafî ra ameye xeripnayene.

 

Gultane û Sebahate ê ke 2 serran ra zafêr o ke zîndan de yenê tepiştene bi îdîaya, ‘’ronayîş û îdarekerdişê rêxistene’’ û ‘’Propagandaya rêxistene’ yenê sucdarkerdene. Gultane bi cezaya 14 serran û 3 mengan, Sebahate zî bi 15 serran ameyîbî mehkumkerdene. Mehkemaya Îstînafî ya Herême ya Dîlokî qerarê cezaya Gultane û Sebahate xeripna.  Avûkat Mehmet Emîn Aktarî hesabê xo yê medyaya sosyale ra  da pêhesnayene ke qerarê cezaya Gultane û Sebahate 17.07.2019 de hetê Mehkemaya Îstînafî ya Herême ya Dîlokî ra ameyo xeripnayene. Dimayê qerarî dosya reyna mehkemaya verêne ra ameye şawitene.