WAN - Qezaya Qelqelîya ya Wanî de mînîbûso ke koçberan kiriştêne, qelebîyaye bi şarampolî. Qeza de tewr tay 15 kesan cuya xo vindî kerd û 25 kesî zî birîndar bîyî.

 

Qezaya Qelqelîya ya Wanî de mînîbusêk ke koçberî kiriştêne qelebîyaye bi şarampolî. Saetanê nîmrojî de nizdê Mehlaya Erçekî de mînîbusa bi plakaya 76 AAC 296î ke koçberî kiriştêne kontrol ra vejîyaye û qelebîyaye. Dimayo ke şahidanê qewimîyayîşî xebere daye ekîpê weşîye cayê qewimîyayîşî rê ameyî sewqkerdene. Ekîpê ke ameyî cayê qewimîyayîşî sere de mudaxeley ewilên birîndaranê ke her ca rê bîbî vila kerd. Dimayê mudaxeleyê ewilênî birîndarî bi ambûlansan ameyî berdene bi nêweşxaneyan. 

 

Qeza de goreyê zanayîşanê ewilênan 15 kesan cuya xo vînî kerde, 25 kesî zî birîndar bîyî. Cenazeyê 15 kesanê ke merdîbî, ameybî berdene bi nêweşxaneyanê cîyayan, tedawîya birîndaran dewam kena.