AMED - Roniştişê doza Rojnameger Kîbriye Evrene ewro ameye vînayene. Kîbreye ke 9 aşmî yo Zîndanê Tîpa Dyî yê Amedî de tewqîfkerde ya nêameye tehlîyekerdene.

 

Rojnameger Kîbriye Evrene 9 teşrîna verêne ya 2018î de Amed de ameyebîtepiştene û dima ra bi îdîaya ‘endamîya rêxistine’ û ‘propagandaya rêxistine’ ra ameyebî tewqîfkerdene. Ewro roniştişê qerargirewtişî yê doza Kîbriye Evrene 5. Mehkemaya Cezaya Giran ya Amedî de ameye vînayene. Rojnameger Kîbriye Evrene reyna nêameye tehlîyekerdene.

 

Seba ke Kîbrîye grevê vêşanîye de bîye tewrê 5. Roniştişê doza xo nêbîye û xo nêpawite. Dozger beyanê şahidanê nimiteyan pêşkeş kerdbî û seba Kîbriye bi mehneya mîyanê xebatanê TJAye de ca gêna û bi îdîaya ‘endamîya rêxistine’ ra 7 serrî ra heta 15 serran û bi îdîaya ‘propagandaya rêxistine’ ra zî 5 serran cezaya zîndanê waşt. Doza Kîbrîye taloqê 24ê êlule ameye kerdene.