MERKEZÊ XEBERAN - Komarê Kongo yê Demokratîke de dormeyê hezar û 700 kesî nêweşîya Ebola vera cuya xo vindî kerdî û WHO rewşa îstisnayî ya globale îlan kerd.

 

Rêxistina Weşî ya Dinya (WHO) vera Ebolayî de ‘rewşa îstisnayî’ îlan kerd. WHO ke komeleya Neteweyî Yewîyaye ra yo, badê ke diyîn bajarê tewr girdî yê Komarê Kongo yê Demokratîke Gomayî de merdimêk nêweşî vera cuya xo vindî kerd, qerarêko winasî girewt. Goma serê sînorê Ruandayî de yo. aşma hezîrane de zî Uganda de di nêweşê Ebolayî ameybî tespîtkerdene.

 

Komarê Kongo yê Demokratîke de dormeyê 1700 kesî nêweşîya Ebola vera cuya xo vindî kerdî û WHO rewşa îstisnayî ya globale îlan kerd. Rewşa îstisnayî ya globale heta nika tena 4 reyan hetê WHOyî ra ameya îlankerdene.