MERSÎN - Y.C., dîyar kerde pêwa ke hetê keyeyê xo ra rastê şîdetê sîstematîk ameya, bi îdiayê ke şîdet keyeyê xo rê kerda, qerarê keye ra dûrvistiş aye rê ameyo dayene û va: "Keyeyê mi bi zor wazeno ke bi qalind mi bizewecnê. Ez zî vera nê vejîyaya, qerarê dûrvistişî keyeyî mi rê ame dayene." 

 

Y. C. dîyar kerde ke hetê keyeyê xo ra rastê şîdetê sîstematîk ameya û pêwa nê bi îdiaya aye şîdet keyeyî rê kerdo qerarê dûrvistişê keyeyî ameyo dayîş û va: “Waştî bi zor mi bizewicnê. Ez zî vera nê vejîyaya. Seba nê îdia kerdî ke ez şîdet înan rê kena û mengek qerarê dûrvistişê keyeyî ame dayene."

 

Y. dewamê qiseykerdişê xo de wina va: "Maya mi bi kesêke bîn dir zewicya. Ey zî her wext vatêne ‘ma na bizewicnê ma ci ra xelas bê.’ Camêdê ke waştêne ey dir bizewicnê zî ardêne keye û hewl dayne mi pê bidê naskerdiş. Vatêne no camêrd teberê welat de ciwîyeno û qezencê ci zaf zêde yo. Keyeyî vatêne ‘qebûl bike’. Seba ke waya mi îqna bikero pere dayê ci. Waya mi wesayît xo rê girewte. Pereyê aye çinbi. Waya mi û mêrdeyê xo ameyî keyeyê ma. Hewl dayî ke mi îqna bikerê. Ez vera nê vejîyaya û waya mi da mi ro. Zamayê ma zî beşdarê munaqeşe bi. Ez hetê înan ra rastê şîdetî ameya. Xeylê cayê bedenê mi sîya bî. Ez embazê xo yê camêr geyraya. Mi va zanayîş bide polîsan wa bêrê mi xelas bikerê. Senîn eşnawitî ma do polîsan bigeyrê, keyeyê mi geyra. Ma şî îfade. Pêwa ke ez rastê şîdetî ameya zî bi îdiaya mi şîdet înan rê kerdo mengek cezaya dûrvistişê keyeyî dayî."

 

Seba cinîyan vengdayîş

 

Y. da zanayîş ke dimayê qerarê keyeyî ra dûrvistiş ra dima mecbur menda keyeyê embazê xo de bimano û veng da pêro cinîyan ke vera şîdetê aye ameyo kerdene, piştdayîş bidê ci.