ÎZMÎR - Kampa Hamnanî ya Cinîyan ê Torra Pwitişê Cinîyan, 17ê Temmuze de dest pêkena. Kampe de pawitişê cewherî ya femînîst bigîrê heta atolyeyê berardişê xeylê bername do bêrê viraştene.

 

Kampa Hamnanî ya Cinîyan ê Torra Pawitişê Cinîyan ê hêrîne mabêne 17-21ê Temmuze de do dewa Betlanî ya Dîkîlî Badem bêro kerdene. Netîceyê xebatê serra peyîn Îzmîrî ameyî viraştene de kampe de do cinî bêrê têhet. Bajarê cîya bi beşdarbîyayîşê 400 cinî û domanan do kampe dest pêbikero. Kampe de atolyeyê ‘pawitişê cewherî yê femînîst’, ‘têduştîyê zayendî yê komelî’, ‘beden’, ‘zayendî’, 'rekq’, ‘weşîya cinîyan’, ‘berardiş’ do bêrê kerdene. Eynî wextî de do forum û tîyatro zî bêrê kerdene.

 

'Do xerîteyê rayîrî bêro xêzkerdene'

 

Gîzem Coşkune, ke yew organîzetorê kampanyaye ya, dîyar kerde ke do ca bidê munaqeşeyê rojane yê tevgerê cinîyan û wina va: "Do atolyeyê ‘kargerîya seksî’ ‘vegan femînîzm’ bi beşdarbîyayîşê meymanan Cuya Pembe do bêrê kerdene. Bi Atolyeyê Pêlê Femînîst dir xoverdayîşê cinîyan ameyî komkerdene. Ma do pîya hînke bîn kêfê cu bikerê. Goreyê serra vîyarte emsar beşdarbîyayîş xeylê zêde yo. Netîceyê piştdayîşê cinîyan o. Cinî eşkenê xo serê keyepelê facebook, înstagram, twîtter yê bi nameyê ‘pawitişê cinîyan' biresnê kampa hamnanî.