DÊRSIM-Qezaya Pulurî ya Dêrsimî de teqayîş pê ameybî. Teqayîş de domanêk cuya xo vindî kerdbî û domanêk zî birîndar bîbî. Domana birîndare zî cuya xo vindî kerde.

 

Walîtîye, eşkerayîye de vat teqemenîya ke bi dest ameya viraştene (EYP) ya; keyeyê Guloglû zî ard ziwan ke teqayîş mayîna ke 10 metreyî dûrê xeyma înan de bîya, aye ra virazîyayo

Teqayîşo ke gomê Çakilyayla yê dewa Bîlgeç ya qezaya Pulurî ya Dêrsimî de virazîya, tede Ayaz Gulogluyî (8) cuya xo vînî kerd, Nupelda Gulogluya 4 serrî ya ke bi giranî birîndar bîye zî wedarîyabî Nêweşxaneyê Unîversîteya Firatî ya Xarpêtî. Rixmê heme mudaxeleyanê ke nêweşxane de ameyî kerdene Nûpelda Guloglû cuya xo vînî kerde.  

 

Cenazaya Nupelda dimayê otopsî teslîmê keyeyê ame kerdene. Cenazeya ke hetê keyeyî ra amî girewtene, seba definkerdişî berdîya Dêrsim.