Keyeyê Manti taxa ofîsê Amedî de yo. Dikanêke qij o. Di kedkarê ke bi KHKyî ameyê îxrackerdene tîya akerdê û 3 cinî bi hawayêke kolektîf xebityenê. Yew înan ra zî Hulya Karataş a û 3 serrî yo tîya xebityena.

 

'Xeylê rey mobîng ame kerdene'

 

Hulyaye arde ziwan ke seba xebityena kêfweş a û wina va: "12 serrîya xo ra xebityena. Ma verê Stenbol de bî. 5-6 serrî bîya û ma şî uca. Keyeyê mi vernê de nêverda ez bixebityî. Tekstîl û kafeyan de xebityaya. Dima ra ma ameyî Amed. Uca de zî mi xebata xo dewam kerde. Mîyanê xeylê serran de mobîng ame kerdene. Ez cayêke bi nameyê 'Açilim Giyim’ de xebityaya. La keda ma amî îhlalkerdene. Xeylê embazanê mi dewa akerdî. Dewa hema dewam kena."

 

'Krîzê ekonomî tesîr ro ma kerd'

 

Hulyaye arde ziwan ke Keyeyê Manti vernê de sey îmalatxaneyê Wareyê Şêx Seîd ameyo akerdene û wina va: "Dima ra no dikan ame akerdene. Ma 3 cinî xebityenê. Ma saete 9an de akenê. Ma şan de saete 5 û 6an de padanê. Ma hîrê cinî viraznenê. Ma mîrê xo akenê. Zerreyê ci pir kenê. Dima ra ma paket kenê û kenê dolabe. Ma muşterîyan dir eleqeder benê. Xebata cinîyan ra xeylê kêfweş ê. Ma manti verê çimanê înan de viraznenê. Coka ma kêfweş ê."

 

'Cinîyan dir xebate cîyaya'

 

Hulyaye da zanayîş ke bi xebatkaran dir sey keyeyî yê û wina va: "Cinîyan dir xebate cîyayêke ya. Verê seba ke cinî nêxebityê tedayê cidî ameyne kerdene. La ma cinî nê şiknenê. Her cinîya xebityena, hîn hukmê vernê şiknena. Keyeyê mi nika bi weşî nêzdî beno. No zî seba mi sereberzî yo. Ez pereyê xo qezenc kena. Ez hewceyê tu kesî nêbîya”