ÎZMÎR - Sereka Beşa Komelnasî Prof. Dr. Îbrahîm Kaya unîversîte Dokuz Eylulî de nêzdîyê 10 wendekaran tacîz kerdib. Wendekaran ey teşîr kerdib tehqîqat ame akerdene. 

 

Unîversîteya Dokuz Eylule Serekê Beşa Komelnasê Prof. Dr. Îbrahîm Kaya nêzdîyê 10 wendekarê xo tarîxê cîya cîya tacîz kerdib. Dimayê ke hedîse amî eşnawitiş dêsê daşirî ke nuşteyê Îbrahîm Kaya teşîr kerdêne ameyî nuştene û dekanî seba wextêke daşirê wendekarê cinîyan pada. Vejîya meydan ke unîversîteya Dumlupinarê Kutahyayî de zî Îbrahîm Kaya wendekar tacîz kerdê. Derheqê 20 wendekarê ke serê çapemenîya komelî parekerd zî dewa amî akerdene. Wendekara Dokuz Eylulî Serenay Sevîme dîyar kerde ke tehqîqat bi amancê vernîgirewtişê ameyo kerdene û seba 20 wendekarê ke serê medyaya komelî de kerdê dewa ameya akerdene û seba tacîzî nimtiş ameyo kerdene.

 

Nêzdîyê 10 wendekarî vera tacîzî bi hastagê #DokuzEylüldeTacizVar serê twîterî kampanya dayî destpêkerdiş. Wendekara unîversîte Serenay Sevîm parekerdişê sey: Ma zanê Îbrahîm Kaya yê ewil nîyo zî, peynî zî nîyo. Akademî de hedîseyê tacîzî îstîsna nîyê. Ma pêrune vînenê. La bi sebebê heqeret û îftira kerdê tehqîqat ameyî akerdene.

 

Serenaye reaksîyon vera rewşe da û da zanayîş ke înan netîceyê baş girewtê û va tehqîqato ke înan rê ameyo akerdene zî bi amancê vernîgirewtişê piştdayîşî ameyo kerdene.