Zeynep Turgut

 

QERS - Cinîyan bale ante serê girîngîyê şaredariya demokratîk û komunal ya Qersî û wina vatî: "Şaredarî wareyê rantî nîyê. Bîyayîşê demokrasî ferz o.”

 

Rayberê PKKyî Abdullah Ocalanî pêvînayîşê xo yê 22ê Gulane ya bi avûkatan dir kerd û dîyar kerd ke babeta îdarekarîyê herêmî de vera qayûman tedbîr nêameyo girewtene û beno ke eynî rewşe reyna bêro cuyayîş. Babeta şaredarîyê komunal, demokratîk de ganî averşîyayîş bêrê kerdene. Cinîyê Qersijî dayî zanayîş ke bajarê înan de ganî şaredariyê demokratîk bêrê awankerdene û coka zî şaredarîya HDPyî tercîh kerdê.

 

'Şaredarîya MHPyî bêtêduştîyê nîjadperest kerd'

 

Cinîya bi nameyê Kîne Tosun, arde ziwan ke amancê awanbîyayîşê HDPyî o bi ke model aver bero û wina va: "Binê nê veresîya dare de tena Kurd ney pêro şarê Rojhelatê mîyanên estê. Bêguman no proje, projeyê Abdullah Ocalanî bi. Bîyayîşê şaredarîya komunal û demokratîk ferz a. Wextê vîyarte MHPyî Qers îdare kerd. Yewin rey HDPyî Qers girewt. No zî seba cinîyan serkewtişêke pîl o. MHPyî tîya de mabêne şaran de dişminîyêke pîl kerd. Şaredarî bi nîjadperestî rayîra berd. Taxê Kurdan de xizmet nêkerdêne. Ganî şaredariyê demokrat û komelê azad awan bibê.”

 

'Ganî şar êdî hetê vurnayîşî rayanê xo bixebitnê'

 

Cinîya bi nameyê Yildiz Taşdelene zî va amancê awanbîyayîşê HDPyî de awanbîyayîşê şaredariyê demokratîk gamêke bi û wina va: "Qers bi serran o bi nîjadperestî ame îdarekerdene. Ma tîya ra yê. La qetî şaredarî xizmetêke ma rê nêkerd. Seba yewîya şarê tîya ti hewldayîş çinbi. Şaredarî dirîtî kerde û xizmet nêda şaran. Bêguman şaredarî demokratîk a, no model şaredariyan de bêro kerdene."

 

'Ganî projeyê HDPyî baş bêro fam kerdene'

 

Zehra Erkmene zî arde ziwan ke ganî projeyê HDPyî baş bêrê fêmkerdiş û wina va: "Qers de xeylê nasname têhet ciwîyenê. La ma nêvînenê ke şar vera nê şiknayenê. Ganî no baş bêro famkerdene, şaredarî cayê rantî nîyê. Abdullah Ocalanî seba şaredariyê demokratîk şîrove kerdo û HDPtî rexne kerdo. HDPyî nê hema bi hawayêke baş nêkerdo."

 

Fîncan Çatakune zî da zanayîş ke seba modelê şaredariya demokratîk awan nêbê tu sebeb çin o û wina va: "Do roj bêro Tirkîya seba nê modelî hewl bido. Şaredarî şarî ra qut bibê do problemî zêde bê. HDP reya yewin Qers de serkewte bi. Umîdê ma o yo ke modelê şaredarîya komunal û demokratîk Qers de dest pê bikero.”