MÊRDÎN - Xirbeyê Marînî yê tarîxî yê Nisêbînî ke bi serran o serê lingan de mendê, nika terkê qederê xo ameyî kerdene.

 

Qezaya Nisêbînî yê Mêrdînî bi berardişê xo yê tarîxî bale ancenê û xeylê kesê ke teberê bajar ra şinê serdayîş. Nê berardişan ra yew zî Xirbeyê Marînî yê. Xirbeyê Marînî dewa Nisêbînî yê bi nameyê Marînî yê. Xirbeyê Marînî qeraxê Bogokî de yê. La Xirbeyê Marînî yê tarîxî yê Nisêbînî ke bi serran o serê lingan de mendê, nika terqê qederê xo ameyî kerdene.

 

Xirbeyî nînê pawitene

 

Xirbeyê ke wextê Roma û Bîzansî ra estê hene, xeylê berardiş seba ke nînê ewnîyayîş binê herre û vaşî de mendê. Nê xirbeyê tarîxî xeylê rey seba heywanan yenê xebityene. Dewijan dîyar kerd ke ê wazenê xirbeyê tarîxî bêrê pawitene û eke cigêrayîş bêro kerdene do çîyê newe vejîyê meydan.

 

Serrê 90an de hetê dewlete ra ameyî veşnayene

 

Na dewe tarîxî heta nika xeylê şer vînaya û xeylê demê tarîxî mîyanê xo de hewênena. Tîmur wexto ke ameyo Cizîr bigîro, welatiyê dewe vera vejîyayê û Tîmûr pêrune xinceran ra derbaz kerdê. Na dewe de her wext operasyonê leşkerî yenê kerdene. Serrê 90an de seba ke qoricîbîyayene dewijan rê ame xêzkerdene, xeylê dewijan koç kerd. Na dewe eynî wextî de amî veşnayene.

 

Xeylê medenîyetan rê wayîrî kerdê

 

Tarîxê xirbeyan wina yo: "15 kilometreyan rojhelatê vakurê Nisêbînî de yê. Marîna ke Asurijan nameyê Merdis û Komukan zî nameyê tewr pîl û kan ê Mezopotamyayî yê. Mîyanê xirbeyan de xeylê berardişê dêreyê Roma, Bizans û Suryanîyan estê. Kuçeyê cor ê bajarî de şikeft û goristan estê.

 

Seba çirr çinbîyo her keyeyêke de bîrêke awe bîyo. Yeno vatene ke wexto ke Tîmûr ameyo Cizîr bi dest bikero xeylê kes xinceran ra ameyê derbazkerdene û coka dewa Marîn êdî geş nêbîya."