ANTALYA - Hemsereka HDP’yî ya Alanya Safîye  Dalgiçe û 2 îdarekarê HDP û DBP’yî  yê qezaye  ameyî destbendkerdene.

 

Polîsan ewro Alanya de saetanê serê sibayî de eşt serê keyeyanê îdarekaranê HDP û DBP’yî ser, hemsereka HDP’yî ya qezaye Safîye Dalgiçe,îdarekarê partîye yê qezaye Abdulhekîm Aktaş û îdarekarê DBP’yî yê Alanya Tefra Akçîn destbend kerdî. Ame zanayene ke Safîye, Abdulhekîm û Tefra bi sebebo ke Zîndanê Alanya de tepişteyî zîyaret kerdî derheqê înan de tehqîqat ameyo destpêkerdene û rîyê naye ra ameyî destbendkerdene.

Keyeyê Safîye da zanayene ke keyeyê înan bi wesayîtanê zirxinan gerîyayo binê ablûqa û polîsanê têgerayîşê taybetî yê bimaskeyan silehî dartî înan û  ê bi kiştişî tehdît kerdî.

 

Hetê bînî ra ame zanayene ke çarçeweya nê tehqîqatî de perey sereştişê keyeyan de keso binameyê Mehmet Bûlût ame destbendkerdene.