MÊRDÎN - Kaya ke kaykerdoxê ci Şaredarîya Bajarê Gird ya Amedî yê bi nameyê "Xwezgînî" Qoser de kay kerd. 

 

Çarçeweya aktîvîteyê tîyatroyî ke hetê Mudirê Karê Komelî yê Şaredarîya Qoser û Mêrdînî ame organîzekerdene, kaya bi nameyê "Xwezgînî" hetê tîyatrowan Şalîko Bêkesî ra ameya nuştiş, amî kaykerdene. Kaya ke kaykerdoxê Ozcan Ateş, Rezan Kaya, Kemal Ûlusoy, Saliha Yildizoze ca gorewtî, rastê eleqeyê şarî amî. Dimayê ke kay qedîya temaşekerdoxan serê lingan de kaykerdoxan rê çepik dayî piro.

 

Alî Temel nêame xovîrrakerdene

 

Dimayê kaye Şaredarîya Qoserî vilan da kaykerdoxan. Dima ra kaykerdox Ozcan Ateş qisey kerd û Ali Temelo ke Şemrexê Mêrdînî de 13ê Temmuze 1994an ame kiştiş û dima ra cenazeyê ey ame vindîkerdene, ard vîr.

 

Dimayê qiseykerdene Ozcanî bername bi qiseykerdene cîya bi peynî bî.