Fîlîz Zeyrek

 

MÊRSÎN - Fatma Oguza ke astengdar a, dewa Yenîbahçe de daristanêke yê Sîlîfkeyî de nêzdîyê 50 pisîngan ewnîyena, dîyar kerde ke pêwa pêro zehmetiyê cu, seba pisînganê xo her çî kena. Fatmaye bi taybet veng da heskerdoxê heywanan kerd û hem seba xo, hem zî seba pisîngê xo vengê hetkarî kerd.

 

Qezaya Sîlîfkî ya Mêrdînî dewa Yenîbahçe de daristanêke nêzdîyê dewa, bereqeyêke de cinîya 75 serrî Fatma Oguze bi waya xo ya 70 serrî nêzdîyê 50 pisîngan ewnîyena. Fatma di serrîya xo de linganê xo ra felç bena û bi serran o pisîgê ke terkê qederê înan ameyê kerdene ewnîyena. Fatma diyar kena ke reyan meqerneyan viraznena zî reyan zî nan vireznena û hem wenê û hem zî danê pisînganê xo.

 

'Ez êdî zehmetîyan ancena'

 

Fatmaye arde ziwan ke heta hêzê aye bibo pisîngan ewnîyena la nika êdî hêzê aye nêmendo û wina va: "Wayîrê pisîngan înan terk kenê. Pisîngî vêşan manenê û dorê mi kom benê. Sey mi pisîngê astengdar zî estê. Nêeşkenê bimeşê, yê ke nêvînenê estê. Ez pêro sey yewbînan nêzdî bena. hene. Ez pêrûne ra hez kena. Mi name dayo pêrûne."

 

'Yê ke serdan ra merdê estê'

 

Fatmaye da zanayîş ke verê reyke zewicîyaya û wina va: "Ez bi camêrdêke pîyê 7 domanan dir zewicyaya. Dimayê ke ey cuya xo vindî kerd, ez ameya nê keyeyî daristanî. Bi serran o ez û waya xo cuyenê. Mi rojê zehmet derbaz kerd. La ma îdare kenê. Ez nê ewnî nê heywanan ra do pêro bimrê. Verê pisîngê mi tewr zêde bî, la zimistanî serdan ra merdî. Ez veng dana wayîrê pisîngan. Eke şima nêeşkenê biewnê, înan nêmusnê xo û dima ra terk nêkerê. Coka pisîngî hîna zehmetîyan ancenê. Ez veng dana heskerdoxê heywanan kena. Bêrê ma pîya wayîr ci vejîyê. Hêzê mi qîm nêkeno."