AMED - Hemşîre Sevgul Tekîne, vera dejê wexto reglî çîyê bêrê kerdene qalî kerde û dîyar kerdke cinî seba ke derheqê reglî de wayîrê zanayîşê kêmî yê û bi zaf nêweşîyan dir yenê rî yewbînan seba nê zî perwerdeyî şert o.

 

Wextê reglî de çîyê ke bêrê zanayîş, cuya cinîyan asan keno. Cinîyêke weşîya aye baş, verê menopozî her aşmî nê cuyena. Derheqê reglî de zî xeylê zanayîşê şaş estê. Hemşîreya Welîdnayîşê Cinîyan Sevgul Tekîne, çîyê derheqê reglî de gerek bêrê zanayîş, ajansê ma rê şîrove kerd. Sevgule wina va: “Xeylê cinî wextê reglî de seba ke sey şerm komel de yeno vînayene, xo nêkerê wayîrê zanayîş. Coka zî sere de xebatkarê weşîye, maye û perwerdekarê wendegehan de ciwanan bikerê wayîrê zanayîş.

 

Wextê reglî

 

Sevgule da zanayîş ke wextê reglî mabêne emrê 11-14an de dest pêkeno û wina va: "Regl aşmek rey yeno vînayene. Nê mabêne serrê 11 û 14 de dest pê keno û heta cinî bikewê menepoz dewam keno. Bêguman no beno bikewo heta 9 serrî zî. Yan zî eşkeno 16 serrî de zî bêro vînayene. Eke heta 16 serrî cinîyêke ciwan regl nêbo, ganî teqez şêro verê jînekologek.

 

Ganî hîjyen bibo

 

Sevgule da zanayîş ke wexto reglî de hîjyen xeylê gîring o û ganî ped tewr kêm 4-6 saetan reyke bêro vurnayene û eke cinî xo nêrehet hîs kenê ganî tewr rew xo bivurnê. 

 

Vera dejê çi yeno kerdene

 

Sevgule wina va: "Seba dejê reglî bêro kêmkerdene, mizdan, bi awa germ sereyê xo şiştiş û germkerdişê lingan zaf weş o. Awa germ ganî raste rast nêdê serê pîzeyê xo. Rewşêke sey îltîhabî zêde bikero. Verê reglî; pîze biwerimyo, madeyê kafeînî merdimî xo dûr bikerê û çîyê bisole nêxebitnê. Ganî bexdenuz bêro werdene. Wextê reglî de vera vindîbîyayîşê vîtamînê asin zî ganî goştê sûr bêro werdene. Wextê reglî de asin, magnezyum û vîtamînê B6 kêm beno. Nê wextî de seba gonîbîyayîşê, asin zêde bedenê merdimî ra vindî beno. Reglî de goştê sûr, hak, kerge, mase xeylê girîng û bi fêyde yo.”