AMED - Perwerdekara resiman Kîbar Suvarî seba qursê hamnanî yê Keyeyê Kultur û Hunerî yê Laleş ameyê destpêkerdene veng da û va: "Seba domanî beşdarê xebetan qursan bibê û warê teknolojîk dûr bikewê qeydê domanê xo seba qursan viraznê."

 

Dimayê ke wendegehî kewtê betlane Keyeyê Kultur û Hunerî yê Laleşî seba ciwan û domanan qursê hamnanî dayî destpêkerdiş. Qursê resim, erbane, saz, gîtar, koro, reqsê folklor û tîyatro do bêrê dayene. Qeydê qursan do 10ê Temmuze de peynî bibê. Qeyd bê pere yenê kerdene. Perwerdekarê resiman Kîbar Suvarî dîyar kerde ke vera ke keye de bêrê hepskerdene û serê teknolojî wedarnê gerek beşdarê programê wina bibê.

 

Kîbare da zanayîş ke eleqeyêke pîl ê doman û ciwanan seba qursan esto û eynî wextî de ciwanî beşdarê qursan bibê goreyê waştişê înan do wextê perwerdeyî de derg bibo.

 

'Ma hunermendî qijan biresnê' 

 

Kîbare da zanayîş ke dimayê ke wendegehî kewenê betlane domanî keye de bi telefon, tablet û televîzyon yenê girêdayîş û wina va: "Seba betlaneyê hamnanî wina derbaz nêbo, seba ciwan kultur û hunerê xo bimusê, ez veng dana keyeyan ke domanê înan beşdarê qursan bibê. Wa domanê ma bibê şoforê kulturê xo. Ma hunermendî qij biresnê."

 

'Ganî ma rayîrê ciwanan abikerê'

 

Kîbare bale ante serê zêdebîyayîşê xebitnayîşê hişbirî û seba ciwan tîryakîyan ra xelas bibê hewldayîşî de û wina qedêna: "Ganî ciwan tewr zêde beşdarê faaliyetê kultur bibê û cigêrayîş bikerê. Ganî ma programê wina bikerê û ciwanan bibê rayîrêke alternatîf. Ganî ma ciwanan rê rayîrê ke cîya akerê. Ganî ciwan muracatê qursan bikerê."