AMED - Roniştişê dewaya muxabira ma Berîtan Canozere ame kerdene. Dozgerî waşt ke 15 serrî ceza bidîyo muxabire ma Berîtan Canozere.

 

Derheqê muxabire ma Berîtan Canozere de bi îdîaya ke ‚endama organîzasyonî ya‘ dewa amîbî akerdene. Roniştişê dewayê 2. yê Berîtane 9. Mehkemeya Cezaya Girane ya Amedî de ame kerdene. Berîtane û avûkatê aye Resûl Tamûr tewrê roniştişî bîyî.

 

Muxabire ma Berîtane va: “Ez îfadeyanê şahidan qebûl nêkena. Ez rojnameger a û ez tena gureyê xo kena.”

 

Dozgerî waşt ke 7 serrî û nîm ra heta 15 serran ceza bidîyo rojnamegere Berîtan Canozere. Avûkat Tamûrî va: “Yeno vatene ke muwekîla mi endamanê organîzasyonî dir roportaj kerdo, la werte de tu roportaj çino.”

 

Roniştiş menga Teşrîna Verêne rê ame texîrkerdene.