MERSÎN - Nîgarkêşê Ciwan yê bi rayberîya xo bale ancenê, bi hacetê ke xebitnenê zî hedef kenê ke bale biancê serê lêşinîyê derûdorê û babeta açernayîşê xebitnayîşî de hişmendî awan bikerê.

 

Ciwanê ke emrê înan mabêne 14 û 16an de vuryeno, hetê mamosteyê înan yê wendegehî ra hunerê înan yeno kifşkerdene û serê nê de ciwanan xebatê xo yê xêzkerdene aver bêrdî û pêşangeh akerdî.

 

Pêşangeha resiman ê Nîgarkêşê ciwanan ke bi hacetê berardişê xebitnayene rastê eleqeyêke pîl ame, xebatê xo de zî babeta lêşinîyê derûdorê û açernayîşî de bale ancenê.

 

'Eleqeyê mi emrê qij de destpê kerd'

 

Sultan Ozkule da zanayîş ke ê sey ‘Nîgarkêşê ciwan’ yenê zanayene û va emrê qij de eleqeyê aye dest pêkerdo û bi 3 serrî yo bi mamosteyê xo dir xebatê bi tesîr vetê meydan û va do bi nê hetê xo lîse û unîversîte dîyar bikera.

 

Sultane arde ziwan ke nêzdîyê 200 xebatê aye yê tualî estê û va serkewtişê aye de bawerî û piştdayîşê keyeyê aye tesîr bîyo û wina va: "Ez amanc kena ke bibî nîgarkêşêke bi tesîr. Huner reng o. Seba cu sîya û sipe nîya, kes zî bêreng nîyo. Seba kes rengê xo bivîno, gerek rengan dir bêro têhet. Ez xebatan de xo rengîn vînena. Ez bi xebatê xo dana naskerdiş. Ez eşkena vajî ke mi xo dî. Ez pêşniyar kena ke her kes xo bivîno."

 

Tablo û şovê hacetê eşteyî

 

Zeynep Yazlike zî dîyar kerde ke bi hunerî dir eleqedar bî kêfweşîyêke pîl o û va nê kêfweşîyê xo bi xebatê xo hewl danê nîşanî her kesî bido û wina va: "Viraştişê resiman, metodo tewr weş ke hîsî bêrê ziwan o. Ganî her kes cuya xo de qetî huner de cayê xo bigîrê. Ma teber ra piştdayîş nêgirewt. Seba ke ma bale biancê ser lêşinîyê derûdorê hacetê eşteyî ra tablo û şovale viraznenê.”