Sara Şêx Hesen 

 

HELEB - Mayê Kobanî yê ke Heleb de cuyenê, derheqê qirkerdişê Kobanî de qisey kerdî û vatî: "Kerdişê Tirkîya yê vera şarê Kurdî ma şermezar kenê, heyfgirewtiş sozê ma yo. Ma do qirkerdişê Kobanî xo vîr ra nêkerê."

 

Cinîyê Kobanî yê Heleb de cuyenê, derheqê qirkerdişê ke 25ê Hezîrana 2015an de ame kerdene û 252 kes ameyî qetilkerdiş de wina va: "DAÎŞî zaf qirkerdiş kerd. La tewr peyîn bi destê Kurdan vindî kerdî."

 

'DAÎŞ bi cilê şerwanan kewt mîyanê bajarê Kobanî"

  

Fîdan Mehmûde wina va: "Kobanî bi serkewt, çeteyan vindî kerd. Şarê Kobanî ageyrayî bajarê xo. Çeteyê DAIŞî o wext de bi cilê YPGî derbazê bajar bî û a şewe de xeylê kesan qetil kerdî. Domanê 7 serran ra bigî heta 70 serreyan rastê qirkerdişî ameyî. Eynî wextî de Efrîn de 5 mamoste seba beşdarê kongre bibê, ameybî Koban. Mamoste Sozane zî şehîd bî. Ma bi têkoşîn heyfê şehîdanê girewt. Ma do nê têkoşîn zî dewam bikerê." 

 

'Ma do qirkerdişê Kobanî xo vîr ra nêkerê'

 

Edla Mûsa Şêxoya 78 serrî zî bale ante ser wehşetê qirkerdişî û wina va: "Şarê Kobanî ameyî qetilkerdene. Bi destê DAIŞî serê înan ame tirakerdene. O wext dewleta tirkan hetkarîya DAIŞî kerde. Merdimê mi nê qirkerdişî de ameyî qetilkerdiş. No welatê ma yo, ma wazenê bi heqê xo bê îşxalkerdene bicuyê. Gerek Erdogan bizano ke o se bikero zî do hêzê ma nêeşko îşxal bikero. DAIŞî xeylê qirkerdiş kerd. La tewr peyîn bi destê Kurdan vindî kerd. Ma şarê Kurd nê qetilkerdişî şermezar kenê, heyfgirewtiş sozê ma yo. Ma do qirkerdişê Kobanî xo vîr ra nêkerê."