AMED - Qezaya Farqînî ya Amedî de domano 5 serre yo ke binê wesayîtî de mend merd.

 

Mehlaya Meydanî ya qezaya Farqînî ya Amedî de domano bi nameyê Mazlûm Guçluk o 5 serre, binê wesayîtî de mend û cuya xo vînî kerde. Goreyê hayîdarîyanê ke ameyî girewtene, şoforê wesayîtî Mazlûmo ke verê berê keyeyî de kay kerdêne ferq nêkerd, gama peypeykî ame doman pelexna. Ame zaneyene ke şofor cayê qewimîyayîşî ra remayo. Keyeyê domanî yo ke hêga ra bi wesayîtî agêrayî, bedenê Mazlumî yo bêgan dî.

 

Ame zanayene Mazlumo ke ameyo berdene bi Nêweşxaneyê Dewlete yê Farqînî cuya xo vînî kerda. Derheqê qewimîyayîşî de cipersayîş ame destpêkerdene.