Rojda Aydin

 

ŞIRNEX - Turbeya Mem û Zîne ya Cizîrî de sembolê evîn û xoverdayîşî ya. Dimayê 4 serran reyke bîn rastê eleqeyêke pîl amî û serdayîşê seba turbe zêde bî.

 

Mem û Zîne, destanêke neteweyî yê şarê kurdan o. No destan kahn hetê Ehmedê Xanî ra ameyo nuştene û qalê eşqê Mem û Zîne yeno kerdene. Eşqê Mem û Zîne xeylê pîl o la seba Bekoyê Ewan Mem û Zîne nêresenê yewbînan.

 

Turbeyê Mem û Zîn verê yewbînan de ameyê definkerdiş. La Beko Mem û Zîne goristan de zî tena nêverdeno. Bekoyo ke seba fen û fûtan hetê embazê Memî ra yeno kiştiş, verê sereyê Mem û Zîne de yeno definkerdiş. Goreyê destanî gulê ke serê turbeyê Mem û Zîne de zergûn benê, hetê telîyê serê gorê Beko Ewanî ra yenê astengkerdene ke nêresê yewbînan.

 

Tirbeya eşqan

 

Turbeya eşqan ke qezaya Cîzîrî yê Şirnexî yê dimayê seserran bî wareyê ziyaretî. Bi taybetî zî kesê ke dejê eşqî ancenê û seba biresê heskerdoxê xo Tirba Mem û Zîne seba xo sey stargehêke vînenê. Her roja paşeme bi seyan ciwan, kal û pîr şinê tirba eşqan seba eşqê xo dua kenê û waştişan kenê.

 

Eleqe seba tirbe zêde bî

 

Verê 4 serran Cizîr de wextê qedexeyê tebervejîyayîşê kuçeyan de serdayîşê serê Tirba Mem û Zîne zî kêm bibi. Bi pêşnayîşê birînê bajêr serdayîşê seba Tirba Mem û Zîn zî zêde bî. Xeylê bajarê Kurdistan û Tirkîya û teberê welat ra xeylê kes yenê serdayîşê Tirba Mem û Zîne.