AlmasNayif / Viyan Said

 

ŞENGAL - Bajarokê Sinûnî de cinîya bi nameyê Kamo Hecî seba debara xo bikero û domananê xo wey bikero bi ramitişî dir eleqedar bena. Kamo ya bi 4 serrî yo karê ramitişî kena wina va: "Ez wazena cuye de serê linganê xo ser bimanî. Ez xebate ra hez kena coka zî têkoşîn kena."

 

Cinîya bi nameyê Kamo Hecîya ke Bajarokê Sinûnî yê Şengalî de manena bi 4 serrî yo ramitiş kena û debara keyeyê xo bi no hewa kena. Kamoye arde ziwan ke mêrdeyê aye dimayê ke cuya xo vindî kerdo aye reyna têkoşînê xo cuye dewam kerda û wina va: "Seba ke ez û domanê xo mexdûr nêbê ez her wext xebityena. Heta ke ma nêxebityê ma do nêeşkê serê linganê xo vinderê."

 

'Seba ke ez serê linganê xo de vinderî ez zaf kede dana'

 

Kamoye dewam de wina va: "Nika mi xiyar ramito. Wexto ke ez xiyar remnena ez zaf zehmetiyan zî cuyena. La seba domananê xo pêwa zehmetiyan ez xebityena. Seba ke domanê mi cuyake baş bicuyê ez xebityena. Ez sey dayîkêke seba domananê xo eşkena pêro çîyan bikerî. Seba ke ez serê linganê xo de vinderî ez zaf kede dana."

 

'Cuyayîş û debare zaf zehmet bîya'

 

Kamoye bale ante serê zehmetiyê cuye û wina va: "Wexto ke ma ewnîyenê, bi rastî zî cu zaf zehmet bîya. Coka semedê serê linganê xo vinderê ganî ma têkoşînek baş bidê Ez wazena cuye de serê linganê xo de vinderî. Ez xebate ra hez kena. Coka zî têkoşîn kena. Seba ke ez û domanê xo mexdûr nêbê ez her dem xebityena. Heta ke ma nêxebityê ma do nêeşkê serê linganê xo de vinderê."