Ehlam Heci

 

ŞENGAL - Cinîyê Şengalî derheqê zewacê emrê qij de nêrazîbîyayîşê xo ardî ziwan û vatî: "Seba cuyêke baş û komelêke averşîyaye ganî rayîr vera zewacan emrê qij de bêrê girewtiş. Zewaco emrê qij de psîkolojîyê domanan û komelî xirab keno."

 

Şengal de mîyanê di serran de seba zewacê emrê qij de 8 cinîyan peynîya cuya xo ard. Cinîyê Şengalî derheqê zewacê emrê qij de qisey kerdî. Cinîyê Şengalî vatî: "Ganî keye û komel pîya vera zewacê emr qij de vinderê. Çimkî zewacê emr qij de her tewir zirar dano komel û têkiliyê mabêne keyan de."

 

'Ma wazenê peynî zewacê emrê qij de bêro'

 

Cinîya bi nameyê Sêvê Xidire wina va: "Mîyanê komelê ma de verê ra zewacê emrê qij esto. La ma sey cinîyan qetî seba zewacê emrê qij de razî nêbî. Ma na babete de zaf zehmetî ant. La seba ke ma bê perwerde bî zewac zî rew bîne. Xeylê kesî seba zewacê emrê qij de mîyanê serrêke de fek yewbînan ra vera dayî. Semedo ke lebatêke baş çin o, coka hema zî zewaco emr qij esto. Ma wazenê peynî zewacê emrê qij de bêro."

 

'Ma çiqas xo rêxistin bikerê, nêzê ma do hende zêde bibo'

 

Endama Meclîsê Cinîyan ê Sinûnî Delal Revo zî wina va: "Semedo ke zulm û îqtîdarê camêrdan, cinî xeylê rey emrê qij de yenê zewicnayîş. Ma sey meclîs heta destê ma ra zewacê emrê qijî werte ra wedarnê. Zeweco emrê qij beno tesîrêke negatîf keno. Semedê zewacê emro qij de 8 cinîyan peynîya emrê xo ardî. Coka ma pêro cinî vera zewaco emrê qij de vejîyê. Ma sey endamê meclîsê cinîyan veng danê pêro cinîyan ke pêro xo birêxistin bikerê. Ma çi qas xo bi rêxistin bikerê, do hêzê ma hende zêde bibo."