MERKEZÊ XEBERAN - Yewîya Cinîyan ya Elewîyan seba 15ine Festîvala Cinîyan ya Zîlane vengê tewrbîyayîşî kerde

 

Vengdayîş cinîyan ê Elewîyan û heme cinîyan ê Kurdan rê ame kerdene ke Şeme adresa Bîsmarckstrasse 125 Leverkusenî de tewrê Festîvala Zîlane bibê.

 

Eşkerayîya bi nameyê Yewîya Cinîyan ya Elewîyan de ame vatene: “Heta zîhnîyeto ke verê nê rayîrî akeno dewam bikero, têkoşînê azadîye yê cinîyan û cimatan zî do dewam bikero. Sey wayê Mîrabelan, Besê, Zarîfe, Sema, Sakîne û Zîlanan. Festîvala Cinîyan ya Zîlane ya ke bi ruhê azadî û xoverdayîşî yê cinîyan her serre yena viraştene, emser serrgêra 15ine 22ê Hezîrane de, roja Şemeyî de bi coşa azadîye do bêra viraştene. Xoverdayîşê vera zulmî heq o.”