COLEMÊRG - Walîtîyê Colemêrgî, qerarê xo yê qedexekerdişê çalakî û numayîşan ê bajarî mengêna kerd derg.

 

Qerarê qedexekerdişê çalakî û numayîşan Colemêrg de verê nikayî zî xeylî reyan amebi dergkerdene û na rey zî heman çî ame kerdene. Eşkerayîya walîtîya Colemêrgî de ame vatene, 18’ê Hezîran a 2019’î ra heta 17’ê Temmuz a 2019 meydan, kuçe, rayîr yan zî parkan de mîtîng, kombîyayîş, rayraşîyayîş, çalakîya roniştişî, grevê vêşanîye, ronayîşê xeymeyan, eşkerayîya çapemenîye û standî ameyê qedexekerdene.