Sara Şêx Hesen 

 

HELEB - Derheqê rewşa perwerdeyê wendegehê Şêx Meqsûdî yê Helebî de Endama  KPCDî Zahîda Reşîde va: "Perwerde esas de kultur, ziwan, ehlaq o. Ewro ziwan û kulturê şaran gane beno."

 

Perwede cuya de esasê xoîdarekerdişî yo. Seba komel serê esasêke wayîrê ehlaq û polîtîk bêro awankerdiş girîng o. Wendegehê Şêx Meqsûdî zî êdî perwerdeyê bi ziwanê dayîke yeno dayene. Emsar zî seba wendekaran zaf serkwete derbaz bi û bawernameyê xo girewtêne. Derheqê perwerdeyî û tesîrê ci serê komelî de Endama Komîteyê Perwerdeyê Komelê Demokratîkî Helebî Zahîda Reşîde ajansê ma dir qisey kerde.

 

'Amancê ma perwerdekerdişê domanan o'

 

Zahîdaye dîyar kerde ke amancê înan pewerdekerdişê neslêke serê esasêke demokratîk o û wina dewam kerde: "Ziwanê Kurdî rastê xeylê hêrişan ame, la ewro ziwan û kulturê şaran sîstemê ma de gane bibo. Hetê kultur, ehlaq û rêxistinbîyayîşî de gamê pîl ameyî eştene. Seba ameyoxê domananê xo ma do têkoşîn bikerê."

 

Zahîde qiseykerdişê xo wina qedêna: "Ma umîd kenê domanê ma tewr zêde aver şêrê. Ganî ma wezîfeyê xo bîyarê ca ke domanê ma her ware de aver şêrê."