Gulîstan Azak

 

AMED - Zêdebîyayîşê vayîye zibilî, verê citkaran dano berardişê ke şîyayeyê înan kêm o, emsar berardişê genimî 2 mîlyon ton peyser kewt.

 

Vayîye zibilî zêde bi, citkarê ke bi serran o genim çînayne, dest ramitişê ci ra vera dayî. Verê xo dayî berardişê ke zibil nîno xebitnayene. Serra ke zibil sera 100 zem ame ser û citkarî zî seba nê vera genimî verê xo danê berardişê bînan bîçînê. Vayîye zibilî 2018an de 65 TL bi, 2018an de sera 84 zem ame ser û bi 125 TL. Xebitnayîşê 6 ton zibilî, vejîya 4 mîlyar. Berardişê genim zî serra vîyarte 20 mîlyon ton bi û emsar zî 19.5 mîlyon vejya.

 

'Citkar mecbûr verdayî'

 

Derheqê babete de Muhendîsa Zîraatî Gulçîn Yaşa qisey kerde û va citkar mecbur piştdayîşê wezaretê ramitişî verdayê û butçeyê seba citkarê serê lingan de bimanê hetê wezaretê Ramitişî û Daristanî ra ameyne dayîş zî bê sîstem yeno dayene.

 

Gulçîne dewamê qiseykerdişê xo de wina va: "Nimûne pereyê ganî seba serra vîyarte de semedê peme biameyne dayene, erey ame dayene û sera 30î nê pereyî ameyo birnayîş û netîce de zî citkarî kewtê zehmetî. Goreyê madeyê 21in ê ramitişî de, ganî ameyîşê netewî sera 1 piştdayîş bêro dayene la sera 0.5 derbaz nêkeno."