RIHA - Siwêreg de di keyeyî seba erdan bi çekan dayî yewbînan. Pêrodayîş de 6 kesî merdî û 5 kesî zî birîndar bîyî.

 

Taxa Çeltî ya girêdayeyê qezaya Siwêregî ya Riha de mabenê di keyeyan de seba erdan munaqeşa vejîya û dima ra munaqeşe bedilîya pêrodayîşê bi çekan. Pêrodayîş de Ridvan Buluş (30), Serdar Delen (31), Zozan Îzol (42), Mustafa Serdar (24), Meral Îzol (42) û Hakki Îzolî (49) cuya xo vindî kerdî. sewbîna  Yusuf Rojhat Îzol, Cîhan Îzol, Serhat Ferman Îzol, Cemal Îzol û Mehmet Metîn Îzolî zî birîndar bîyî.

 

Kesê birîndarî wedarîyayî nêweşxaneyê cîya-cîyayan yê Riha û Amedî. Cenazeya kesê ke pêrodayîş de merdî zî wedarîyayî morgê nêweşxane. Xeylê cendorme û polîsî sewqê cayê hedîse ameyî kerdene. derheqê hedîse de tehqîqat dîya destpêkerdene.

 

Sewbîna ame zanayene ke têkilîya Rivan Buluş (30) û Serdar Delenî (31) hedîse reyde çin a û ame zanayene ke wesayîtê kesê ke remayî qelibîyayo înan û bi no hawa cuya xo vindî kerdî.