STENBOL - Muracatê pêvînayîşî yê keyeyê Rayberê PKKyî Abdullah Ocalanî û hîrê keyeyanê tepişteyanê bînan ê ke Îmrali de yê yo ke vizêr Serdozgerîya Komare ya Bûrsa rê amebi kerdene ame redkerdene.

 

Muracatê pêvînayîşî yê keyeyê Rayberê PKKyî Abdullah Ocalanî û hîrê keyeyanê tepişteyanê bînan ê şîyayîşê Îmraliyî ame redkerdene.

Birayê Rayberê PKKyî Abdullah Ocalanî Mehmet Ocalan û warisê ci Mazlûm Dînçî seba ke bieşkê şirê Îmrali vizêr bi rayîrê avûkatan muracatê Serdozgerîya Komare ya Bûrsa kerd, la waştiş ame redkerdene. 

 

Muracato ke hetê birayê Hamîlî Yildirimî Polat Yildirim, birayê Omer Hayrî Konar Emîn  Konarî û waya Veysel Aktaşî Salîhe Saltike ra amebi kerdene zî nêame qebûlkerdene.  Dozgerîye bi qerarê mehkema yê 22ê Nîsane  muracat red kerd.