QAMIŞLO - Meclîsê Cinîyan ê Vakur û Rojhelatê Sûrîya qezaya  Amûdê ya Kantonê Qamişlo de kongreya ronayîşê xo virazeno.

 

Meclîsê Cinîyan ê Vakur û Rojhelatê Sûrîya bi sloganê ‘ Yewîya Cinîyan a Azade Temînatê Sûrîyeya Demokratîke ya’ kongreya xo ya verêne virazeno.

 

Kongreya ke bi tewrbîyayîşê  heme temsîlkaranê cinîyan ê herême yena viraştene cinîyan ê Ereb, Kurd, Sûryanî, Armenî, Keldanî, Çeçen û Çerkezî bi kincanê xo yê herêmî tewrê ci bîyî. Başûrê Kurdistanî ra zî heyetêk tewrê konreye bi. Heyata kongreye bi fotografanê şerwananê YPJ’yî  û şehîdanê Têgêrayîşê Azadîye ameye xemilnayene. Reyna Hêzê Pawitişê Cinîyan YPJ, Hêzê Asayîşê Zereyî û Yewîya Pawitişî yê Cinîyan ê Sûryanîyan zî kongre de sey dezgehanê eskerî cayê xo girewt. Kongre ya ke bi qiseykerdişê endama Koordînasyonê Kongreya Starî Foza Yûsîfe dest pêkerde, dewam kena.