HELEB - Derheqê zîyan û darê Efrînî yenê veşnayene de cinîyê Helebî dîyar kerdî ke zirarê vera xoza, zirarêmerdimayî yo û wina vatî: "Darê ke bi hezar serran ameyê ramitiş, bi destê dişminê merdimayî yenê veşnayîş. La tu kes nêeşekno îradeyê şarê Efrînî bişikno."

 

Dimayê hêrişê dewleta tirk û komê girêdayê aye yê serê Efrînî ra dima, hewldayîşê derheqê vurnayîşê demografîk de dewam kenê. Eynî wextî de dar û zîyanê Efrînî yenê veşnayene û no zî zirarêke pîl dano xoza. Derheqê babete de cinîyê Helebî ardî ziwan ke nê kerdişan rast nêvînenê û wina vatî: "Vera hêrişê merdimayî ma do her wext mîyanê mucadele de bê."

 

'Bi veşnayîşê daran nêeşkenê îradeyê ma bişiknê'

 

Maya bi nameyê Pêrwîn Temo dîyar kerde ke bi veşnayîşê daran îradeyê înan nêeşkeno bêro şiknayene û wina va: "Erdogan û çeteyê xo Efrîn îşxal kerdî. Şarê Efrînî mecbur koçber bî. Kerdişê Erdogan Efrîn de hema dewam de yo, dimayê viraştişê dêsan, dest bi veşnayîşê zîyanê Efrînî kerdî û xozaya Efrînî talan û wêran kerdî. La Erdogan nêeşkeno îradeyê ma bişikno."

 

'Xoverdayîşê Efrînî do serkewte bibo' 

 

Xalîde Cernase zî wina va: "Ma do xover bidê, heta ke ma biresê amancê xo. Şerêke zaf bi wehşet serê ma de ame meşnayîş. La îradeyê ma teknîk ra hîna bi hêzdar o. Nika zîyan, xoza û darê bi hezar serran ameyê ramitiş, bi destê dişminê merdimayî yenê veşnayîş. Sloganê ma her wext xoverdayîş o."

 

'Keda şarê Rojawanî bi destê dişminê merdimayî yenê çinkerdiş'

 

Rûşîn Ebdulrahmane zî wina va: "Ma qetî kerdişê Erdoganî serê xo de qebul nêkenê, ma şermezar kenê. Her hêrişê Erdogan serê ma de esto, her het ra dewam de yo. Herêma Cizîrî de veşnayîşê genim ke bi destê karkeran ameyo ramitiş û bi sebr bendeyê ci bî, peynî de bi destê dişminê merdimayî yeno veşnayene. Eynî wextî de Efrîn de zî dar û baxçeyê Efrînijan veşnenê. Xêrcê nê her roje sivîl yenê qetilkerdene û cinî yenê remnayene. Keda şarê Rojawanî bi destê dişminê merdimayî yenê çinkerdene."

 

'Ma sere vera Erdogan nêtewênenê'

 

Fatma Emîre zî wina va: "Qetî Erdogan temsîlkarîyê muslumanî nêkeno, ne helalî ne zî heramî zano. Tu qanûnê dinya de çin o ke merdim hêrişê xoza bikero, la goreyê Erdogan her çî esto. Ma sere vera Erdogan nêtewênenê. Ma do her wext xo ver bidê heta ke ma azadîya Rayber  Apo û welatê xo bi hizur bikerê."